اكو ولد يحبله بنيه وهي هم تحبه وجانو يكعدون
تحت شجره بمنطقتهم كل يوم من الصبح للمغرب من تطلع الشمس لمن ادور وتغيب ومتفقين زواج فيوم من الايام اجاها كاللها راح اروح بسفر للخارج 12 سنه يله ارجع فهي مابيدها شي كالتله روح بس راح ابقه انتضرك من تروح لمن ترجع كل يوم من الصبح للمغرب مثل ما انت موجود اتوادعو وراح

راحت ايام واجت ايام خلصن 12 سنه ورجع لمن رجع ..رجع مزوج فأجه للمنطقه متغيره كلها سأل على فلانه كالوله يم الشجره تنتضر حبيبها.....الناس تسميها مخبله واهلها ملو منها فراح للشجره شافه من بعيد بجت وهوه بجه فكال

سلمولي على الما خان گلوله خانك
حتى الشمس تندار وانت بمچانك

كالتله
تطلع شمس وادور طول 12 عام
خضر دليلي بشيب بيه الالم دام

كاللها
محبوبج الخوان هذا ويحاجيج
خان العهد ياحيف منه اليوافيج

كالتله
خنت العهد ياحيف بعد 12 حول
جان العشك جذاب لو انت شتكول